Hemen zaude: Antolakuntza

Antolakuntza

Kontseilu Errektorea

Kontseilu Errektorea Kooperatiba Sozietatearen gobernu, kudeaketa eta ordezkaritzako organoa da. Kontseilua gurasoek osatu ohi dute eta aldian-aldian bildu ohi dira Ikastetxearen funtzionamenduarekin lotura duten gaiak lantzeko, Estatutu Sozialetan esleitutako eskuduntzen arabera.

Zuzendaritza Taldea

Pedagogia zuzendariak, administrazio zuzendariak eta ikasketa buruak osatzen dute. Zuzendaritza Taldeak Kontseilu Errektorearekin batera lan egin ohi du Ikastetxearen eta langileen kudeaketa estrategiak, metodoak eta politikagintzak diseinatzeko eta zuzentzeko.

Irakasleen Klaustroa

Klaustroa 30 irakaslek osatzen dute. Egun indarrean dauden legezko baldintzen araberako titulua dute guztiek, eta irakasle, tutore edo alor bakoitzeko koordinatzaile gisa egiten duten lanetik, gure hezkuntza lanari ahalik eta koherentziarik eta profesionaltasunik handiena ematen saiatzen dira.

Hizkuntza Sailak

Ingeles saila: 14 irakasle.
Euskara saila: 8 irakasle.
Gaztelania saila: 6 irakasle.
Hezkuntza Bereziko gela: 2 irakasle.

Klaustroa osatzen duten irakasleez gain, aditu ugarik egiten du zuzenean ikasleekin lan musika, kirolak, hizkuntza errefortzuak eta abar lantzen.

Pedagogia Taldea

Psikologo batek, psikopedagogiako bi adituk eta logopeda batek osatzen dute ikastetxeko Psikopedagogia Taldea.

Taldeko lan nagusien artean ondorengoak nabarmendu behar dira:

Ikasleei arreta zuzena.
Diagnostikoa eta terapia.
Irakasleen trebakuntza eta aholkularitza.
Familien aholkularitza eta arreta.
Gurasoei eta irakasleei zuzendutako hitzaldiak.

Laguntza Gela

Ikastetxean Laguntza Gela dugu Lehen Hezkuntza eta Bigarren Hezkuntzarako. Gela horretan, ikastetxeko psikopedagogoek lan egiten dute hezkuntza behar bereziak dituzten ikasle guztiekin. Ondorengoak dira horien betebehar nagusiak:

Beharrezko banakako garapen programak lantzea, horiek behar dituzten ikasleei arreta egokia eskaintzeko, eta aipatutako programen jarraipena egitea.
Programa horien atal zehatzak lantzea, baldin eta banakako arreta edo talde txikian egindakoak eskatzen badute.
Arreta jasotzen duen ikaslearen irakasleei orientazioa eskaintzea, hezkuntza tratamendu zehatz bati dagokionez.
Beharrezko irakaskuntzako materiala lantzea.
Tutorearekin elkarlanean lan egitea ikasleen gurasoei eskaintzen zaien orientazioari dagokionez.
Oinarrizko logopedia tratamendua eskaintzea.
Estimulazio, arreta, memoria… programak garatzea (hizkuntza eta matematikak).
Arazo zehatzen errehabilitazioa egitea (dislexia, psikomotrizitate arazoak…)
Instrumentu alorretan berariazko programak garatzea (matematikak eta hizkuntza).

Estatutuak

Sozial estatutuak, PDF formatuan, gaztelaniaz.