Hemen zaude: Informazioa

Informazioa eta izen-ematea

Ikasturte osoan, informazioa jasotzeko eta plaza eskatzeko bisitaldia adostu ahalko duzu.

Beharrezkoa da aurretik informazioa eskuratzeko bisita pertsonala egin izana plaza eskatu ahal izateko.

Plaza eskatzeak ez du hori lortu ahal izatea bermatzen. Horretarako ezarritako epean (otsaila-martxoa) baieztatuko dira (edo ez) eskatutako plazak.

Onarpena eta matrikulazioa

Ikasle berriak onartzea eta jarraian matrikulatzea eskatutako ikastarorako eskuragarri dauden plaza kopuruaren araberakoa izango da eta ikastetxeak honela ezarritako lehentasun ordenaren arabera egingo dugu:

Matrikulatutako ikasleen anai-arrebak.
Lehenagoko ikasleen seme-alabak.
Etxea ikastetxetik gertu izatea.
Eskaera ordena.

Matrikulazio epean, ikastetxea plaza eskatu duten sendiekin harremanetan jarriko da; tokia berretsiz gero, matrikulazioa egiteko elkarrizketa eguna adostuko dugu. Elkarrizketa horretarako, familiak ondorengo agiriak aurkeztu beharko ditu:

Famili Liburuaren edota pasaportearen fotokopia.
Medikuaren ziurtagiria eta txertaketa kartilla.
Karnet neurriko bi argazki.
Ikaslea aurretik eskolarizatuta egon bada: txosten akademikoen fotokopia edota eskolatze liburuaren fotokopia.

Elkarrizketaren ondoren, familiak sartzeko eskaera orria bete eta bazkide kooperatibistaren kuota ordaindu beharko du.